Happy Father's Day

I have come across this Marathi poem on Dad's. A very touching poem.

I do not know who the author is, so I am attibuting it to Anonymous. It would be really great if the author of this poem stood up. Kudos to this poet.

Read this poem, and you will understand why nothing else can be a better dedication/tribute to all the Dad's in this world!!

शाळेपासून बापाच्या धाकात तो राहात असतो,
कमी मार्क पडलेलं प्रगतीपुस्तक लपवत असतो.
आईच्या पाठी लपून, तो बापाशी बोलत असतो,
डोळा चुकवून बापाचा, तो हुंदडायला जात असतो.

शाळा संपते पाटी फुटते, नवं जग समोर येतं,
कॉलेज नावाच्या भूलभुलैयात, मन हरखून जात असतं.
हाती असलेले मार्क घेऊन, पायऱ्या झिजवत फिरत असतं,
बाप पाहतो स्वप्नं नवी, हे मुखडा शोधत असतं.

सुरु होतं कॉलेज नवं, दिवस भुर्रकन उडून जातात,
एटीकेटीच्या चक्रातून, वर्ष पुढे सरत जातात.
ग्रुप जमतो दोस्ती होते, मारामार्या दणाणतात,
"माझा बाप ठावूक नाही"! म्हणत धमक्या गाजत असतात.

परीक्षा संपते अभ्यास सरतो, डिग्री पडते हाती याच्या,
नोकरी मिळवत नोकरी टिकवत कमावू लागतो चार दिडक्या.
आरामात पसरणारे बाजीराव, मग घोड्यावरती स्वार होतात,
नोकरीच्या बाजारात मग नेमाने मोहिमा काढू लागतात.

नोकरी जमते छोकरी सापडते, बार मग उडतो जोरात,
एकट्याचे दोघे होतात, सुखी संसार करू लागतात.
दोघांच्या अंगणात मग बछडं तिसरं खेळू लागतं,
नव्याकोर्या बापाला मग मात्र, जुन्याचं मन कळू लागतं.

नवा कोरा बाप मग पोरा सवे खेळू लागतो,
जुना बाप आता नव्याने आजोबांच्या कायेत शिरतो.
पोराशी खेळता-खेळता दोघेही जातात भूतकाळात,
एकाला दिसतो दुसरा लहान, दुसरा पाहतो गोष्ट महान.

रंगलेल्या गोष्टीत या, मग शिरतो फ्लॅशबॅक,

बापाच्या भूमिकेतून पोर पाहतो भूतकाळ.

लेकरासाठी मग त्याला कळवळणाराबाप दिसतो,

त्याची लाल रेघ जो, उरात घेऊन फिरत असतो.

कडकपाणाच्या आवरणाखाली, झुळझुळणारं पाणी असतं,

भल्यासाठी लेकरांच्या, झगडणारं हाड असतं.

दोन घास कमी खाईल, पण पोरांना गोड देतो,

हट्टासाठी पोरांच्या, ओव्हरटाईम तो मारत असतो.

डोक्यावरती उन झेलत, सावली तो देत असतो,

दणाणत्या पावसापासून, कुटुंब आपलं जपत असतो.

घर नीट चालण्यासाठी स्वतः बाहेर फिरत असतो,

आईच्या मऊशार तळव्यामागचा, तोच राकट हात असतो.

बाप कधी रडत नाही, बाप कधी खचत नाही,

बाप कधी उतत नाही, नि बाप कधी मातत नाही.

पोरं सोडतात घरटं अन्, शोधू लागतात क्षितिजं नवी,

बाप मात्र धरून बसतो घरट्याची प्रत्येक काडी.

पोरांच्या याशासोबत त्याचं मन हसत असतं,

अपयश पचवताना ते आतून रडत असतं.

काही झालं, कितीही झालं, तरी कणा ताठ असतो.

खचलेल्या पोराला तोच तर उभारी देत असतो.

सारी कथा समजायला फार मोठं वहावं लागतं,

बापाचं मन कठीण फार, चटकन हाती लागत नसतं.

आकाशाहून भव्य अन्, सागराची खोली असते,

'बाप' या शब्दाची महतीच मोठी न्यारी असते.

कळत नाही बापाचं मन स्वतः बाप झाल्याशिवाय,

बाप माणूस असतो तो, बापाशिवाय कसं कळणार.

असतं न्यारंच रसायन, त्याची फोड उकलत नाही,

म्हणून तर बापावर कविता कोणी करत नाही.

करणार कशी कविता कोण, तो त्यात मावत नाही,

चार ओळीत सांगण्यासारखा, बाप काही छोटा नाही.

सोनचाफ्याचं फुल ते, सुगंध कुपीत मावणार नाही,

बाप नावाच्या देवाचा, थांग काही लागत नाही.

केला खरा आज गुन्हा, त्याला थोडं शोधण्याचा,

जमेल तेवढं सांगितलं, आधार आमच्या असण्याचा.

एक मात्र अगदी खरं, त्याच्याशिवाय जमत नाही,

आई मार्फत बोललं तरी, बोलल्याशिवाय राहवत नाही.

सांगतो आता शेवटचं, कान थोडा इकडे करा,

पृथ्वी तोलून धरण्यासाठी शेशाचाच लागतो फणा.

बाप नावाच्या पारिजातकाचं, असाच काहीसं जीणं असतं,

ते समजून घेण्यासाठी बापच असणं भाग असतं.

-Anonymous

This poem has made me realise how you have always been there for us Dad, and how you took it all in your stride, even when we used to get mad at you. You are the Best Daddy in this world!